Li Şedadê bi sedan kesan cenazeyên şervanên QSD’ê yên bi navê Elî Hemîş (Heqî Amûdê), Mihemed Sûltan (Ebû Ehmed), Mehmûd Xidir Ebdullah (Rêzan), El Hesen (Ilyad), Hisên El Elî (Ebû Mazin) û Nesûr El Reca (Erbîd) yên di Pêngava Bagera Firatê de şehîd bûbûn ji Meclîsa Malbatên Şehîdan a Hesekê wergirtin û berê xwe dan Goristana Şedadê.

Di merasîmê de li ser navê Meclîsa Leşkerî ya Dêrazor Elî Xidir axivî. Xidir sersaxî ji malbatên şehîdan re xwest û diyar kir ku DAIŞ wekî nexweşiyekê belav bûye û gelê Sûriyeyê ew ê hebûna DAIŞ’ê qebûl neke.

Piştî axaftinan belgeya şehadetê ya şehîdan hate xwendin û radestî malbatan hate kirin.

GELÊ KEREMAYÊ ŞEHÎD VEŞART

Şervanên Ewlekariya Navxweyî Mihemed El Necîm, Mihemed El Ebhûl, Feysel Ehmed El Hesen, Şêx Mihemed, Hesen El Hibil û şervanê QSD’ê Mihemed Îbrahîm (Ezam) yên ku di Pêngava Rizgarkirina Reqayê de şehîd bûbûn, cenazeyên wan ji Meclîsa Malbatên Şehîdan a Hesekê hatin wergirtin û ji bo veşartinê birin Keramayê.

Li Keramayê ya Reqayê li Goristana Şehîd Memo û Sevdarê ji bo şehîdan merasîm hate lidarxistin.

Piştî rêzgirtinê belgeya şehadetê ya şehîdan hate xwendin û radestî malbatan hate kirin.

Cenazeyên şehîdan, bi sloganan hate veşartin.