Duyemîn Kongreya Asayî ya Yekitiya Êzdiyên Heide ya Almanyayê roja yekşemê pêk hat. Kongre bi tevlibûna zêdetirî sed endam û hin mêvanên ji bajarokê Hodenhagenê hatibû, hate lidarxistin.

Di kongreyê de ewil deqeyek rêz ji bo şehîdên azadiyê û Cangoriyên Êzdiyan, hat girtin. Piştre ji bo rêvebirina kongreyê dîwanek hat hilbijartin û mêvanan peyamên xwe dan.Di peyaman de de rewşa kurdan a li rojavayê Kurdistanê û bakurê Kurdistanê hatin nirxandin. Li peyamên hatin dayîn raporên xebatê û aborî hatin xwendin.

Endaman nêrînên xwe der barên raporan de anîn ziman û rexne û pêşniyarên xwe bilêvkirin. Bi giştî kar û xebata du salan a Yekitiya Êzdiyên Heide tevî ku xebateke nû ye jî, bi erênî hatin ditîn. Piştre jî plansaziya du salan hat kirin û rêveberiyeke ji 17 kesan pêk dihat hate hilbijartin. Rêveberiya nû wê di nava vê hefteyê de li hev bicive û di nava xwe de kar parve bike. Li gorî plansaziya du salan divê Malek Êzdiyan li herêmê were vekirin.