Meclisa Aştiyê ya Ewropayê xwes parlamenterê CHP’ê Huseyîn Aygun yê ji aliyê HPG’ê ve hate binçavkirin serbest bê berdan.

Meclisê der barê mijarê de daxuyaniyek nivîskî da û balkişand daxuyaniya HPG’ê ya ku bûyer piştrast kir. Meclisê wiha got: “Armanca girtina Aygund nîşan dide ku hinek herêmên bakurê Kurdistanê ji bin kontrolan dewletê derketiye. Her wiha ev nîşaneya îflaskirina polîtîkayên hikûmeta AKP û serokwezîr e. AKP ya ku her tim derewan dike û rastiyan berovajî dike, muhtemelen dê bikeve nava lîstikên bi xeter yên nû.”

Meclîsê diyar kir ku ew wekî Meclisa Aştiyê ya Ewropayê dixwazin Aygun serbest bê berdan û ji bo vê daxwazê jî hinceta, ‘Bila hemû kes bi awayekî azad polîtîkayê bike’ û ‘bila çalakî bigihêje armanca xwe’ hate nîşandan.

Di dawiya daxuyaniyê de hate îfadekirin ku ya herî baş bila Aygun teslîmê nûnerên rêxistinên sîvîl bikin û wiha hate gotin: “Bila AKP û serokewezîr jî êdî zêde har nebin û ji bo agirbestê pêngavan bavêje. Bila tecrîda li ser Ocalan rabe û girtiyên KCK’ê serbest bên berdan.”