Pîrozbahiyên Newrozê ku li bajarê Odense yê Danîmarkayê ji 19’ê Adarê ve destpê kiribûn, 20’ê Adarê jî li Navenda Çanda Kurd a Valby berdewam kirin. Li Albertslundê di salona Musîkteaterê de pîrozbahiya Kurdên li Kophenagê bi tevlîbûna gelek Kurdistaniyan ve pêk hat. 

Di pîrozbahiya li Navenda Çanda Kurd a li Danîmarkayê de Îsa Yildiz û Adar, Ramazan Ekîncî, Ramazan Kaya bi stranên xwe ve moral dan gel. Koma Zerdeşt a govendê û Koma Şanoyê ya bi nave Şehîd Yekta jî cihê xwe di şahiyê de girtin. Di berdewama pîrozbahiyê de Serhado û Hozan Kawa bi stranên xwe ve şahî bi dawî kirin. 

Di pîrozbahiyê de peyama Hevserokê Konseya Rêveber a KCK’ê Cemîl Bayik bi rêya sînevîzyonê hat pêşkêşkirin. 

Di pîrozbahiyê de Serokê Duyemîn ê Şaredariya Gladsaxe û Endamê Partiya Gelan a Sosyalist Serdal Benlî axivî û diyar kir ku ev têkoşîna li her çar parçeyên Kurdistanê jî azadiyê nêz dike. 

Di pîrozbahiyê de peyamên Navenda Civaka Demokratik a Kurdên Danîmarkayê, PYD’ê, PJAK’ê hatin xwendin û axaftin hatin kirin. Di axaftinan de berxwedana li Bakurê Kurdistanê û Federasyona li Rojavayê Kurdistanê hat silavkirin.