Malbatên ku ji bo girtiyên nexweş û yên cezayê wan bi dawî bûye lê nayên berdan û tecrîda li girtîgehan bi dawî bibe Nobeta Edaletê didomînin, malbat li ber Girtîgeha Kiriklarê hatin ba hev. Malbatan di roja 109’emîn a çalakiya xwe de cilên li ser “Ji girtiyên neşxweş re azadî” nivîsandî li xwe kirin û bêyî navber dirûşmeyên “Bijî berxwedana girtîgehan” û “Bila girtîgeh bên valakirin, ji girtiyan re azadî” berz kirin. Rêxistinên Partiya Demokratîk a Gelan (HDP) ên Torbali û Bûcayê piştgirî dan çalakiya malbatan.

Rêvebiryê HDP’ê yê Bûcayê Cahît Gunay diyar kir ku zexta li girtîgehan dermirovî û derexlaqî ye û wiha got: “Divê dev ji vê bêexlaqiyê bê berdan. Girtiyên li girtîgehan tenê dixwazin ku bi mirovî bijîn. Girtiyên siyasî li girtîgehan tên qetilkirin. Mehmet Emîn Ozkan 84 salî ye û 3 caran emeliyat bûye. Nikare li ser piyan bisekine lê di girtgehê de tê ragirtin. Girtiyan stû li ber we netewand, wê ji vir û şûn ve jî netewînin.”

Hanim Sever a xizmek ji xizmên girtiyan îşaret bi çalakiya greva birçîbûnê ya ku 3 girtiyên nexweş li Girtîgeha Kiriklarê didomînin kir û xwest ku daxwazên wan bên pêkanîn.

DENÎZLÎ

Çalakiya greva birçîbûnê ya girtiyê nexweşê giran Ekîm Polat ê 24 salî ku li Girtîgeha Tîpa T a Denîzliyê tê ragirtin, ji bo bê dermankirin daye destpêkirin di roja 38’emîn de dewam dike. Çalakiya rûniştinê ya Dayik Songul Îlker jî ji bo mafê tenduristiyê yê kurê wê û daxwazên wî bên pêşwazîkirin li ber Girtîgeha Tîpa T ya Denîzliyê daye destpêkirin jî di roja 30’î de dewam dike.

Dayik Îlker ev bang kir: “Ji bo ku êşkence û zexta li ser kurê min bi dawî bibe û mafê wî yê tedawiyê bê dayîn, ez li çalakiya xwe didomînim. Dixwazim hemû raya giştî dengê girtiyên nexweş bibihîze û bide bihîstin.”