Alîkara Hevserokên BDP’ê Parêzer Meral Daniş Beştaş diyar kir ku dixwazin bi doza parêzerên Kurd, gelê Kurd bê parêzer bihêlin.

Rûniştina duwemîn a doza parêzerên Rêberê Gelê Kurd Abdullah Ocalan, dê îro li Dadgeha Cezayê Giran a Stenbolê pêk bê.

Parêzerên parastinê beriya rûniştina dozê li ber Edliyeya Çaglayanê daxuyanî da çapemeniyê û daxwaza azadiya hempîşeyên xwe kirin.

Alîkara Hevserokên BDP’ê Prz. Meral Daniş Beştaş bal kişand ku parêzerên Kurd, piştî tecîrda li ser Ocalan û êrîşên Serokwezîrê Tirk Recep Tayyîp Erdogan hatin girtin û got; “Ev doz li hemberî mafê parastinê ye. Beştaş domand; “Dixwazin gelê Kurd bê parastin bihêlin.”

Beştaş destnîşan kir ku ev doz ne dozek ji rêzê ye û got; “Ev doz parçeyek ji pirsgirêka Kurd, tecrîd û qirkirina siyasî ye.”

'EM BI MANTIQÊ DMME’YÊ LI PIRSGIRÊKÊ DINÊRIN'

Li ser navê parêzerên ji welatên Ewropayê ji bo şopandina dozê hatin Yrus Oschinsky axivî û diyar kir ku raya giştî ya Ewropayê vê dozê ji nêzîk ve dişopîne. Oschinsky got; got; “Em bi aqilê darizandinê yê DMME’yê li vê pirsgirêkê dinêrin.”

Piştî daxuyaniyan, dirûşima “Parêzerên girtî rûmeta me ne” hate gotin û parêzer ketin hundirê edliyeyê.