Li navçeya Şirnex Qilabanê, daxwaza Midûriyeta Çandiniyê ya Bajêr a ji bo kuştina 57 hêstiran bi hinceta di qaçaxçitiya sînor de hatine bikaranîn, li nerazîbûnan rast tê. Ev rewş di nivîseke fermî de jî derket holê.
Der heqê 57 hêstirên tê îdîakirin di qaçaxçitiya li ser sînor de hatine bikaranîn, Midûriyeta Çandiniyê ya Bajêr bi hinceta ku nexweş in serî li Dadgeha Ceza ya Asliye ya Qilabanê da û xwest ev hêstir qetilkirin.
Di nivîsa fermî ya Midûriyeta Çandiniyê ya Bajêr ji dadgehê re şandî de wiha tê gotin: "Heta ku dadgeha we biryareke dijber nede, ev heywanê, wê di çarçoveya pîvanên refaha heywanan ji aliyê Mİdûriyetên Sewalkarî û Çandiniyê ya Bajêr/Navçe ve, ji holê bên rakirin."
