Serokê Giştî yê Komeleya Mafê Mirovan (ÎHD) Ozturk Turkodan, hevdîtina xwe ya bi Komîteya Pêşîlêgirtina Îşkenceyê ku di 21-28’ê hezîranêd e hatibû serdana girtîgehên Tirkiyeyê re pêk anî, nirxand û diyar kir ku CPT’yê der barê Rêberê Gelê Kurd Abdullah Ocalan de gotine; “Dê di demek nêzîk de ji bo Îmraliyê pêşketinên tetmînkar pêk bên.”.

Heyeta Komîteya Pêşîlêgirtina Îşkenceyê ya Konseya Ewropa (CPT) ji bo pêkanînên girtîgehan de di 21-28'ê hezîranê de serdana Tirkiye kirin. CPT2yê bi Serokê ÎHD’ê Ozturk Turk Dogan û Sekreterê Giştî yê TÎHV’ê Metîn Bakalci re hevdîtin pêk anî.

Li gorî nûçeya DÎHA’yê, hevdîtina heyetê veşartî hate girtin û bi Serokê Giştî yê ÎHD'ê Ozturk Turkdogan, Alîkara Serokê Giştî yê ÎHD'ê Sevîm Salîhoglu û Sekreterê Giştî y kêTÎHV'ê Metîn Bakkalci re têkildarî geşedanên girtîgehên Tirkiyeyê de civîn pêk anîn. Serokê Giştî yê ÎHD'ê Ozturk Turkdogan têkidarî civînê de agahî dan û diyar kir ku heyeta CPT'iyê têkildarî rewşa zarokên girtî li Tirkiyeyê bi taybet lêkolîn kir. Turkdogan, anî ziman ku wan ji heyeta CPT'iyê re têkildarî rewşa zarokên di girtîgehan de raporên salên 2010, 2011 û 2012'yan pêşkêş kirin û wiha got: "Em têkildarî rewşa zarokên di girtîgehan de tabloyeke giştî çêkir. Em tiştên zarokan jiyîn û binpêkirinên mafên mirovan ji wan re gotin. Me ji wan re gotin ji zarokên girtî ji sedî 90 girtî ne."

Turkdogan, anî ziman ku wan rewaş Girtîgeha Pozantiyê bi taybet axivîn û heyetê ji wan re got agahiya wan bi geşedanên li Pozantiyê heye û di nêz de dişopînin. Turkdogan, da zanîn ku heyetê li Girtîgeha Rihayê û hinek girtîgehên zarokan lêkolîn kirin.

DER BARÊ ÎMRALIYÊ DE DÊ PÊŞVEÇÛNEK BAŞ ÇÊBE

Tukdogan da zanîn ku di dema hevdîtinan de tecrîda lisr Rêberê Gelê Kurd Abdullah Ocalan jî hatiye rojevê û wiha got: “Me tecrîda li Îmraliyê pêk tê anî bîra CPT’yê. Me daxwazên xwe yên ji bo avêtina pêngavan nû ve bi bîr xistin. Me rexneyên xwe yên ji bo wan ku der barê tecrîdê de heta niha tiştek negotine jî kir.”

Turkdogan desetnîşan kir ku heyeta CPT’yê diyar kiriye ku ew rewşa Rêberê Gelê Kurd Abdullah Ocalan û girtîgeha Îmraliyê ji nêz ve dişopînin û got; “ CPT wiha gotiye: “Em der barê Ocalan de bi Tikriyeyê her tim hevdîtina pêk tînin. Mereq nekin em dizanin li wir çi dibe. Em ê di demeke nêz de raya giştî ji bo Îmrali ronî bikin. Dê pêşketinek tetmînkar çêbibe.”

MA CTP ÇÛ ÎMRALIYÊ?

Di daxuyaniya duh di malpera fermî ya CPT’yê de hat weşandin de, hat ragihandin ku heyeta “ad hoc” a CPT’yê di 21-28’ê hezîranê de serdana Tirkiyeyê kiriye.

Di daxuyaniyê de hat gotin; “Armanca sereke ya vê serdanê ew bû ku, em îdîayên der barê mûameleyên xirab ên li Pozantiyê li hemberî zarokên girtî pêk hatin, rewşa zarokên girtî û mûameleyên li wan tên kirin lêkolîn bikin.”

Delegasyonê diyar kir ku ew çûne serdana Girtîgeha Sîncan a Enqereyê ya ku zarok ji Pozantiyê veguhestibûn wir, Girtîgeha Maltepe ya Stenbolê, Girtîgeha Dîlokê û Girtîgeha Tîpa E ya Amedê û beşên zarok têde dimînin hatine lêkolînkirin. CPT’yê da diyarkirin ku wana der barê şewatên di meha hezîranê de li girtîgehan pêk hatin de bi gelek rayedarên Tirk re hevdîtin pêk anîne. Di 16’ê hezîranê de di encama şewata li Girtîgeha Rihayê de 13 girtiyan jiyana xwe ji dest dabûn.

Delegasyona CPT’yê diyar kir ku wana rewşa Ocalan jî anîe rojevê, lê nehat gotin ka hevdîtin bi Ocalan re pêk anîn an na. Di daxuyaniyê de hat gotin; “Delegasyonên pirsên cûda yên der barê Ocalan û girtiyên din ên li Girtîgeha Tîpa F a ya Îmraliyê ya bi Ewlehiya Bilind de anîne rojevê. Ji bo ev girtî bikarin bi parêzer û malbatên xwe re hevdîtin pêk bînin, baldariyek taybet hat nîşandan.”

Hat diyarkirin ku di çarçoveya hevdîtinan de bi Wezîrê Dadê yê Tirk Sadullah Ergîn û rayedarên payebilind ên Wezareta Derve re jî hevdîtin pêk hatine. Hat ragihandin ku hevdîtin bi nunerên UNICEF ên Enqereyê, Komeleya Mafê Mirovan û Weqfa Mafê Mirovan a Tirkiyeyê re jî hatiye pêkanîn.