Ciwanên Kurd li dijî çeteyên AKP'ê û tecrîdê, li avahiya Komîteya Pêşîgirtina li Îşkenceyê ya Ewropayê (CPT) dest bi çalakiya dagirkirinê kirin. Li hemberî dorpêçiya polîsan, ciwanan bang li gel kirin, ku li ber avahiya CPT li bicive.
Xemsariya CPT a li pêşberî tecrîda şidandî ya li ser Rêberê Gelê Kurd Abdullah Ocalan û barbariya AKP'ê ya li Kurdistanê, ji aliyê ciwanên Kurd ve tê şermezarkirin. Ciwanan bi vê armancê avahiya CPT dagir kirine.
Çalakî ji aliyê 50-60 ciwanan ve di nava dorpêçiya polîsan de tê lidarxistin. Li dijî vê dorpêçiyê ciwanan dirûşmên "Bijî Serok Apo", "Berxwedan Jiyan e" û "Çeteya AKP'ê ji Kurdistanê bicehime" qîriyan û li hundirê avahiya sirûda "Çerxa Şoreşê" gotin.
CIWANAN BANG LI GELÊ KURD KIRIN
Ciwanên ji aliyê polîsan ve hatine dorpêçkirin, bang li gelê Kurd kirin ku li pêşiya avahiya CPT bicive.
