Çeteyên AKP/MÎT’ê 2 sivîl li Şêx Meqsûdê birîndar kirin
Di encama êrîşên komên çete de li Taxa Şêx Meqsûdê 2 sivîl birîndar bûn.
Çeteyên SÛK’ê yên dûvikên AKP/MÎT’ê ji hêla taxa Bûstan Paşa ya Helebê êrîşî Taxa Şêx Meqsûdê kirin.
Di êrîşên çeteyan de ku bi çekên giran li rojhilatê taxê dan, 2 sivîl birîndar bûn.
Welatiyên birîndar li navenda tenduristiyê ya Heyva Sor a Kurd hatin dermankirin, têkîldarî rewşa tenduristiya wan agahî nehat wergirtin. Hate ragihandin ku yek ji welatiyên birîndar Mihemed Bîlal (32) e.
