Cemiyetê Rojnamegerên Azad (CRA) bilançoya Cotmehê eşkere kir. Li gorî rapora CRA’yê zextên li ser çapemeniya azad roj bi roj dijwartir bûne. Di rapora cemiyetê de wiha hat gotin: “Desthilatdariya AKP’ê bi hinceta darbeya 15’ê Tîrmehê li dijî hemû êzên mûxalîfan êrîş dijwar kirin. AKP’e di bin navê parastinê de dest bi êrîşa çapemeniyê kir. Piştî OHAL îlan kir û bi KHK’e dest bi operasyonên çapemeniyê kir. Di meha Cotmehê de televîzyon, radyo, rojname, ajans bi giştî 18 saziyên weşanê mohr kirin û girtin. Ji ber ku şer li Rojhilata Navîn pêş dikeve di vê mehê de 4 rojnameger hatin qetilkirin. Li Tirkiye 33 rojnameger hatin binçavkirin û 3 rojnameger hatin girtin. Di vê mehê de Tekane ajansa jinan a cîhanê, Ajansa Nûçeyan a Jin (JINHA), Yekemîn ajansa ku hêza xwe ji civakê û hêza muxalif digire Ajansa Nûçeyan a Dîcle (DîHA) ku niha 10 nûçegîhanê wê girtî ne û 48 caran hat sansurkirin hatin girtin. Yekane Rojnameya rojane weşana Kurdî dike Azadiya Welat û Rojnameya Ozgur Gundem ku heta niha gelek nûçegîhanê wê hatin kuştin û gelek caran êrîş bi ser wan de hat, hatin girtin.”