Yekîtiya Star bi merasîmekê têkoşera Kurd Zîlan di 19’emîn salvegera şehadeta wê de bibîr anî.

Rêxistina Yekîtiya Star a Girkê Legê bi merasîmekê têkoşera Kurd Zeynep Kinaci (Zîlan) di 19’emîn salvegera şehadeta wê de bibîr anî. Merasîm bi tevlîbûna sedan şêniyên Girkê Legê û Rimêlan li Navenda Çand û Hunerê ya Aram Tîkran bi rêzgirtinê destpê kir. Paşê Endama Desteya Rêveber a Yekîtiya Star Leyla Reşîd axivî û têkoşer Zîlan bibîr anî û got ku Zîlan bi çalakiya xwe vîna azad a jinên Kurd destnîşan kiriye. Reşîd, da zanîn ku bi sedan jinên Kurd li ser rêya Zîlan û Arînan dimeşin.

Piştî axaftinê belgefilmek ku li ser têkoşer Zîlan hatibû amadekirin hate pêşkêşkirin.

Di dawiya merasîmê de stran û helbest ji aliyê koma Koçerat û Zîlan ve hatin pêşkêşkirin.