Li Kobanê bi munasebeta Rojbûna Rêberê Gelê Kurd Abdullah Ocalan bername didomin. Bi hezaran kes beşdarî pîrozbahiya ku li navenda bajar pêk hatin bûn û her wiha YPG-YPJ û pêşmerge jî di şahiyê de amade bûn.
Li herêma pîrozbahiyê rojbûna Rêberê Gelê Kurd Abdullah Ocalan, posterên Ocalan û dayika wî Uveyş Ocalan, alên YPG û YPJ’ê, pankartên ‘Rojbûna te rojbûna gelê Kurd e, rojbûna te pîroz be ey serok’ û her wiha wêneyên 11 şervanên ku di berxwedana Serzorî de jiyana xwe ji dest dan hatin daliqandin. Jin bi cil û bergên xwe yên gelerî hatin qadê û bi wesîleya vê rojê şekir li zarokan hat belavkirin.
Piştî deqeyek rêzgirtinê Koroya Zarokan a Tev-Çandê derket ser dikê. Nûnerên hikûmeta Kantonê û rêxistinê civaka sivîl axaftin kirin û piştre komên muzîka herêmî derketin ser dîkê. Şervanên YPG û YPJ’ê posterên Ocalan hildan û govend gerandin. Pêşmergeyan jî li herêmê bi gel re rojbûna Ocalan pîroz kir.
