Navenda Çapemenî û Ragihandina YPG’ê nasnameya 3 şervanên YPG’ê yên di berxwedana kantona Cizîrê de jiyana xwe ji dest dane aşkera kir.

Têkildarî mijarê navenda Çapemenî û Ragihandina YPG’ê daxuyaniyek nivîskî weşand. Daxuyaniya ku li ser malpera fermî ya YPG’ê hate weşandin wiha ye: “

Operasyona bi rûmet a bi navê Şehîd Rûbar destpê kiriye serketinên pir mezin bi xwe re anîn, bi saya wê berxwedanê me dikarîbû herêma Cizîrê bi tevahî ji DAIŞ rizgar bikin û berê xwe bidin bajarokê Silûk û Girê Spî da ku em karibin gelê xwe ji hovîtiye herî mezin xilas bikin . Roj bi roj em wek Yekîneyên Parastina Gel (YPG) ji bu parastina nirxên mirovatiyê em berdêlên pir giran ji felsefeya me ye bi rûmet didin, her kêlî şervanên me bi wî ruhê fedayitî ber bi serketinê diçin û bi wê xwîna xwe dîrokê nûjen dikin.

Îro jî em sê hevalên xwe giranbuha oxir dikin  her sê hevalên me yên qehreman bi vî ruhê xwe yê fedayîtî dikarîbûn xwe bikin mertal û bendekî xurt li beranberî dijmin û bi dilşadiyek mezin her li eniyên pêş bûn bi roj û şev ji bo serketina operasyona me mîna teyrê baz her tim hişyar bûn.

Di dawiyê de ji bo hemû têkoşerên azadiyê yên  canê xwe ji bo vîna gel feda kirine em dilsoziya xwe bi wan re nû dikin û soza me serketina çalakiyên me ne, ji bo hemû malbatên sersaxiyê dixwazin.”

Nasnameyên şervanên YPG’ê wiha ye:

 

Nasnav: Egîd Amed

Nav:  Vedat Atmaca

Navê dayikê: Nefîsa

Navê bav: Îhsan

Cihê jidayikbûnê: Amed

Cih û dîroka şehadetê: 29-9-2014 Hesekê

 

Nasnav: Ferhad Egîd

Nav: Osman Rehrewşen

Navê dayikê: Cîhan

Navê bav: Elî

Cihê jidayikbûnê: Merîvan

Cih û dîroka şehadetê: 2-6-2015 bajarokê Silûk -gundê Bedîa

 

Nasnav: Lewend Efrîn

Nav: Fîras Mihemed

Navê dayikê: Zekiya

Navê bav: Reşîd

Cihê jidayikbûnê: Efrîn

Cih û dîroka şehadetê: 4-6-2015 Serêkaniyê – gundê Bedîh