Komîteya YPG'ê ya Têkiliyên bi Gel re, bi rûspiyên eşîrên Ereb re li gundên di çarçoveya Pêngava Fermandar Rûbar Qamişlo de hatin rizgarkirin geriya û li pirsgirêkên gundiyên vegeriyane, guhdarî kir.

Komîteya têkiliyên bi gel re ya YPG'ê li gundên Eşra Rezaziyê, Mişerfe, Til Mecder, Ezzam, Meslaxa û Tirretir ên li quntarê Çiyayê Kizwanan bi gundiyên vegeriyan re civiya û li pirsgirêkên wan guhdarî kir. Di encama hevdîtinan de li 8 gundan komîteyên ji 2-3 kesan hatina vakirin. Wezîfeya bingehîn a van komîteyan, li gundên DAIŞ'ê zerar danê tespîta ziyanê were kirin û ji bo bersiv ji pêwîstiyan re bê dayîn bi YPG'ê re di nava têkiliyê de bin. Li ser navê mezintirîn eşîra Ereb a li herêmê Eşîra Beggara Şêx Talah Talah û gelek şexsiyetên navdar di ziyaretan de cih girtin.

Hêjayî gotinê ye, DAIŞ'ê mal û erdê genim ê van gundiyên destek nedabûn wan şewitandibû.

Hin ji organên çapemenî-weşanê, ji bo li hemberî hêzên YPG/YPJ'ê antî propagandayê bimeşînin û eşîrên Ereb ên destekê didin Pêngava Fermandar Rûbar Qamişlo bînin pêşberî hev, îdîa kiribûn ku hêzên YPG/YPJ'ê ev gund şewitandine.