Navenda Ragihandin û Çapemeniyê ya HPG’ê diyar kir ku tevgera hewayî ya artêşa Tirk bi awayekî zêde li hember herêmên gerîla didome.

HPG’ê têkildarî tevgera hewayî wiha got:

“9’ê Hezîranê saet di navbera 13:20 - 14:20 û 20:00 - 21:00’an de li ser herêma me ya Avaşîn a girêdayî Herêmên Parastinê yên Medya tevgera balafirên şer a artêşa T.C a dagirker rû daye. Ev tevgera hewayî li herêmên me yên gerîla zêde bûye. Li gor vê;

Di navbera 8’ê Hezîranê saet 10:00 û 10’ê Hezîranê saet 06:00’an de li herêma Heftanîn û xeta sînor, 9’ê Hezîranê saet di navbera 21-22.00’an de li herêma Garê, di navbera 9’ê Hezîranê saet 18.00 û 10’ê Hezîranê saet 12.00’an li qadên Şehîd Rehîme û Şûkê yên li ser xeta sînor a herêma Avaşîn, 8’ê Hezîranê saet di navbera 09:00 - 15:30, 18:00 - 22:00’an de û 9’ê Hezîranê saet di navbera 05:00 - 15:30’î li herêma Metîna, Di navbera 9’ê Hezîranê saet 21:30 û 10’ê Hezîranê saet 12:00’an de li herêma Zapê, dîsa 9’ê Hezîranê saet di navbera 22.00-00.00 de li qadên Akdag, Apê Mûsa, Şehîd Kendal û Şehîd Serxwebûn ên girêdayî Amedê pêgerên hewayî yên bê mirov ên artêşa Tirk bi armanca keşfê geriyane; 9’ê Hezîranê saet di navbera 21:00 - 23:00’an de li ser herêmên Metîna, Zap û Gabarê tevgera balafirên şer rû daye.

9’ê Hezîranê saet di navbera 10:00 -15:00’an de ji Qereqola Bîlîcan a girêdayî navçeya Çelê, ji bo gundê Hîlal ê li qada Ciloyê Biçûk a hêzên me yên gerîla lê ne kontrola leşkerî ya artêşa T.C a dagirker bê kirin û sewqiyat bên kirin xebatên çêkirina rê tê kirin. Dema artêşa Tirk ev xebat dimeşand li ser herêmê bi awayekî zêde pêgerên hewayî keşf pêk anîne û ligel van tevgereke zêde ya balafirên şer rû daye.”