Şervanê YPG'ê Mahmût Kaya (Erdal Zagros) ê di şerê li hemberî çeteyên DAIŞ'ê de birîndar bû û anîn Pirsûsê, tevî hemû hewldanan jî nehat rizgarkirin.

Şervanê YPG'ê Mahmût Kaya (Erdal Zagros) di operasyona azadkirina gundê Ebu Serayê de di şerê li hemberî çeteyên DAIŞ'ê de li Kobanê birîndar bû û ji bo dermankirinê ji Deriyê Sînor ê Murşîtpinarê anîn Nexweşxaneya Dewletê ya Pirsûsê. Tevî hemû hewldanên rizgarkirinê jî Kaya jiyana xwe ji dest da. Cenazeyê Kaya ji bo otopsiyê birin Saziya Tipa Edlî ya Rihayê. Piştî hatina malbatê wê dest bi karê otopsiyê bê kirin û cenaze radestî malbatê were kirin. 

Hate ragihandin ku ji bo definkirinê, cenazeyê Kaya wê bibin Ceyhana Edeneyê.