Bo Şaredariya Sûrê ya ku Partiya Herêmên Demokratîk (DBP) di hilbijartinên herêmî yên 2014'an de rêjeya ji sedî 54 deng stendibû û rêveberiya wê bi dest xist, qeyûm hate wezîfedarkirin. Navçeya ku ji aliyê hêzên dewletê ve di bin navê "Qedexeya kolanan" de hate kavilkirin, wekîlên hevşaraderiyê Azîze Derkûtlû û Îzzettîn Candan têkildarî mijarê bi nivîskî daxuyaniyek dan.

Di daxuyaniyê de wiha hate gotin: "Her çiqas hê ji bo me ti teblîgat nehatibin şandin jî, em jî ji nûçeya kêliya dawî pê agahdarbûne. Em wek hilbijêrên îradeya gel, bi endamên meclîsa xwe û xebatkarên xwe em li ser kar in. Her wiha em wek kesên hilbijartî vê sepandinê qebûl nakin."

Hevşaredarên Şaredariya Sûrê Seyîd Narîn û Fatma Işik bi hinceta beşdarî daxuyaniya rêveberiya xweser bûne di 19'ê Tebaxa 2015'an de hatibûn girtin û di 8'ê Adara 2016'an de hatibûn berdan. Her 2 hevşaredar jî ji aliyê Wezareta Karên Hundir ve ji peywirê hatibûn girtin.