Li bajarê Rojava Hesekê di navbera hêzên rejîmê û çeteyên DAIŞ’ê de 3 roj in şerekî dijwar heye. Rejîma Sûriyeyê bi taybet li Hesekê bi salan e polîtîkaya ku Ereb û Kurdan berde hev dimeşîne. Vê pêkanînê wek amûra pasîfkirina gelan jî bi kar tîne.

Ev pêkanîn her çiqasî wek siyaseteke kevneşop a rejîmên Baesê yên li Rojhilata Navîn bin jî, koça Ereban li gor Kurdan ku hê zêdetir e bi vî şerê dawî re derket holê. Di sê şerên mezin de jî Kurd neçarî koçberiyê hatin kirin. Her malbateke li Hesekê li Amûdê û Qamişlo jî xaniyekî kirê ji xwe re girtine. Malbat neçar in ji bo du salan pereyê kirê bidin.

Di şerê navbera rejîm û çeteyên DAIŞ’ê de Kurd neçarî koçberiyê hatin kirin. Di vî şerê navbera çeteyên DAIŞ û hêzên rejîmê de her çiqasî di aliyê mirovî de qet nayê qebûlkirin jî wek rastiyeke Rojhilata Navîn koçberiya gelê Ereb jî dide nîşandan ku siyaseta li ser Ereb û Kurdan zêde ji hevdu ne cuda ye. Bi taybet gelek zilamên Ereb ku têkildarî pevçûnan naxwazin biaxivin û heta dema makîneya wêneyan dibînin direvin, vê siyasetê nîşan dide. Lê belê ya herî bi wate jî dema zarokên ku wek lîstikekê li vê koçberiyê dinêrin ku dibêjin, “Bijî YPG”.