Welatên endamê Yekîtiya Ewropayê piştî hevdîtinên li Brukselê li ser paketa pêkanînan a 21'emîn a li hemberî Rûsyayê li hev kirin.

Di çarçoveya paketê de biryar hate dayin ku buhayê petrolê ya Rûsya difiroşe û serê warîlekê bi 44 dolarî hatiye destnîşankirin, saleke din bê dirêjkirin. Yekîtiya Ewropayê bi rêya vê yekê dixwaze hatineya petrolê ya Rûsyayê bi sînor bike û pê şerê li Ûkraynayê fînanse dike.

Paketa pêkanînan piştî danûstandinan ku bi hefteyan dewam kir, hate qebûlkirin.

Di paketa pêkanînan a nû de li gel qedexeya li ser sektora fînansê ya Rûsyayê, hebûneyên krîpto yên Rûs jî bi pêkanînên nû tê bisînorkirin.

Her wiha tankerên petrolê yên nû yên "Fîloya Sî" jî li lîsteya pêkanîna hate bicihkirin, ku tê gotin, Rûsya bi rêya van keştiyên bi salên sexte enerjî û sotemeniyê bar dike. Di paketê de ji bo lawazkirina pîşesaziya parastinê ya Rûs astengiyên bazirganiyê hatin zêdekirin.