Rejîma Îranê ku ji bo şikandina vîna girtiyên Kurd ên siyasî her tiştî dike, vê carê li ser wan sîxurtiyê ferz dike. Rejîma Îranê li ser girtiyê Kurd ê siyasî Mehmûd Emîn Agoşî ku berpirsê girtiyên siyasî yên Kurd e, sîxurtiyê ferz dike.

Li gorî nûçeyek a MafNewsê, rêveber û rayedarên girtîgeha Zahîdan gef li berpirsê girtiyên siyasî yên Kurd Mehmûd Emîn Agoşî dixwin ku sîxurtiyê ji bo wan bikin. Rayedarên girtîgehê dibêjin ger ew sîxurtiyê qebûl neke, ew ê nehêlin bi malbata xwe re hevdîtinê bikin.

Birayê Mehmûd Emîn Agoşîyê mamoste, serî li dadgeha li bajarê Zahîdan a Îranê da û da zanîn ku ger birayê wî hevkariya rêvebertiya girtîgehê neke, ew ê nehêlin birayê xwe bibînin.

Mehmûd Emîn Agoşî bi hinceta “sîxurtiyê” bi 10 sal cezayê girtîgehê hatiye cezakirin û heta niha jî di girtîgeha Zahîdan de ye.