Di pîrozbahiya Newrozê de endamên Biryargeha Navenda Parastina Gel Amed Malazgîrt, Ferîde Alkan û ji fermandarên HPG'ê Yerihan Jînda, Ozgur Gabar, Çiya Mahabad, Amed Dalaho, Devrîm Amed û gelek gerîla amade bûn.

Di pîrozbahiyê endamê Biryargeha Navenda Parastina Gel Amed Malazgîrt axaftineke kurt kir. Malazgîrt bi bîranîna Mazlûm, BAêrîvan, Ronahî û hemû cangoriyên şoreşê dest bi axaftina xwe kir û got, "Newroz tê wateya ji nû ve afirîneriya gelekî ji xweliya xwe. Newroz, di serî de li Rêber Apo, li tevahiya gelê Kurdistanê, dostan û rêhevalên me yên li zîndanê li ber xwe didin, pîroz be."

Piştî axaftinê gerîlayan Newroz li hev pîroz kirin.

Li dû pîrozbahiyan Amed Malazgîrt li ser wate û girîngiya rojê bi gerîlayan re civînek lidar xist.

Pîrozbahiyê bi bernameya çandê ya ji aliyê gerîlayan ve hatibû amadekirin, dewam kir.

Di pîrozbahiyê de dirûşmên "Bijî Serok Apo", "Bijî Newroz" û "Şehîd Namirin" bê navber hatin qîrîn.