Pêşmergeyên ku bi armanca piştgiriya berxwedana dîrokî hatibûn Kobanê, vedigerin Başûrê Kurdistanê.

Pêşmergeyên rêveberiya Başûrê Kurdistanê ku di 30’ê Cotmeha 2014’an de di ser BakUrê Kurdistanê hatibûn û di Deriyê Sînor ê Murşîtpinarê re derbasî Herêma Kobanê bibûn, piştî bidawîbûna erka wan, vegeriyan Başûr. Pêşmerge şevê din saet di 23.00’yan de di Deriyê Sînor ê Murşitpinarê re derbasî BakUr bûn û ji wir jî berê xwe dan Başûrê Kurdistanê.

Pêşmergeyên ku hejmara wan 150 bû, heta niha wekî 4 ekîban hatibûn Kobanê. Ekîba yekemîn di 30’ê Cotmeha sala 2014’an, ekîba duyemîn di 2’yê Kanûna sala 2014’an, ekîba sêyemîn jî di 15’ê Çileya sala 2015’an û ya çaremîn jî di 27’ê Sibata sala 2015’an de derbasî Herêma Kobanê bibû.