Cejna vejînê Newroz li bajarê Odessa yê Ûkraynayê hat pîrozkirin.

Pîrozbahî bi beşdariya bi sedan kesî li salona Palladîûm a Oddesayê pêk hat. Şahî bi axaftina vekirinê ya Serokê Organîzasyona Kurdên li Ûkraynayê Georgi Gasanov û Çîçek Mêrdîn destpê kir. 

Di axaftinan de Newroz li gelê kurd, Rêberê Gelê Kurd Abdullah Ocalan û şervanên azadiyê hat pîrozkirin û hat destnîşankirin ku sala 2015'an sala serketinê ye.

Di bernameya pîrozbahiyê de hunermendên herêmî Cîger Reş, Şiyar Berzencî û koma govendê a ciwanan derketin ser dikê. Hunermend Mûstafa Bazidî jî bi berhemên xwe re reng da pîrozbahiyê.