Cîgirê Serokê Parlamentoya Iraqê û Parlamenterê Iraqê yê Tevgera Goran Aram Şêx Mûhammed navên ku Haydar Ebadî ji bo kabîneya nû pêşkeşî serokê parlamentoyê kiribû eşkere kir.

Mûhamed îro piştî rûniştina li parlamentoyê got ku di lîsteya 16 kesan a Haydar Ebadî pêşkêşî Serokê Parlamentoyê kirine de 2 Kurd jî hene.

Aram Şêx Mûhammed îfade kir ku têkîldarî navên Haydar Ebadî pêşkêş kirine wê parlamento biryarê bide, got: “Eger fraksiyon li ser navan li hev bikin, wê li parlamentoyê bibe mijara dengan, na eger li hev nekin, wê ji bo guhertinê careke din navên nayên xwestin pêşkêşî Ebadî bên kirin.”

Dihat payîn ku Serokwezîrê Iraqê Haydar Ebadî li ser krîza aborî ya li Iraqê û nelirêtiyên di nav hikûmetê de kabineyek nû diyar bike û hejmara wezareta kêm bike, îro kabîneya nû pêşkêşî serokê parlamentoyê kir. Ebadî gelek wezaret kirin yek û wezîrên nû hilbijartin, di wezaretên Karên Hundir û Parastinê de ti guhertin çênekir.

Kabîneya nû ya Haydar Ebadî ev in:

Wezîrê Aboriyê: Ali Allavi

Wezîrê Petrolê: Nızar Salim (Kurd)

Wezîrê  Karên Derve: Şerif Ali bin Ali

Wezîrê Perwerdehiyê: Ali Cuburi

Wezîrê Perwerdehiya Bilind: Abdulrrezak İsa

Wezîrê  Tenduristiyê: Ala Mubarek

Wezîrê  Çandinî û Çavkaniyên Avê: Hasan Cenabi

Wezîrê Ciwan û Çandê: Akil Yusuf

Wezîrê Avadaniyê û Şaredariyan: Hoşyar Emin (Kurd)

Wezîrê Veguhestinê: Yusuf Esedi

Wezîrê Dadê: Muhammed Nasrullah

Wezîrê Elektrîkê: Ala Deşir

Wezîrê Koç û Koçberan: Vefa Mehdavi