Komîteya Rêveber a PKK'ê û Komîteya Malbatên Şehîdan a PKK'ê da xuyakirin ku Gulperî Varli bi nasnav Bêrîvan a di 10'ê Îlona 1976'an de li Maksûtûşagi ya navçeya Erzîngan Kemahê ji dayik bû û di sala 1992'an de li Stenbolê tevlî bû, di sala 1993'an de li Kemahê jiyana xwe ji dest daye.

Komîteya Rêveber a PKK'ê û Komîteya Piştgiriya Malbatên Şehîdan a PKK'ê ji malbata Varli re nameyek şandin û ji ber derengmayîna agahîdayînê, lêborîn xwestin.

Di nameyê hat de gotin, "Ewlad û xizma we hevrêya me ya giranguha Bêrîvan, êş û pirsgirêkên gelê me ji nêz ve dîtiye, ev di dilê xwe de hîs kiriye û  tevlîbûna li nav refên gerîla ku hêviya azadiyê ya gelê Kurd weke rêya dawîanîna li van pirsgirêkan dîtiye." 

Komîteya Rêveber a PKK'ê û Komîteya Piştgiriya Malbatên Şehîdan a PKK'ê destnîşan kirin ku Varli serî rakirina li statuya koledariyê ya dewletên mêtînger li ser gelê Kurdistanê ferz dikin weke wezîfeya bingehîn a mirovahiyê, exlaqî û welatparêziyê qebûl kiriye, bi berpirsyariyeke mezin li dengê wijdanê xwe guhdarî kiriye û bûye xwedî jiyaneke giranbuha. 

Di dewama nameyê de wiha hat gotin: "Ewlada we, hevrêya me Bêrîvan a leheng û bi rûmet, doza azadiyê ya gelê Kurd weke wateya yekane ya jiyana xwe dîtiye û ji roja tevlîbûnê heta roja şehadetê, di her kêliya jiyana xwe de ji bo azadiya welatê me, jiyana azad a gelê Kurd û ji bo cihê bi rûmet ê mirovahiya cîhanê, bi fedekarî, dilsozî û hezkirineke mezin a ji bo gel, welat û Rêber Apo xebitiye."

Komîteya Rêveber a PKK'ê û Komîteya Piştgiriya Malbatên Şehîdan a PKK'ê gotin, "Em sersaxiyê ji hemû gelê Kurdistanê û we re dixwazin. Em êşa we parve dikin û em weke hevalên wê, herî kêm weke we li ber êşa hevalê xwe ketine. Em hewl didin ku bibin hêjayî vê çeka wê û vê alê. Hûn hemû endamên hêja yên malbatê, em ji we hêvî dikin ku hûn bi sebir û metanetê vê şehadeta mezin pêşwazî bikin."

Di nameye de hat ragihandin ku bêyî dayîna berdêlan ti gel azad nebûye û negihaştiye jiyaneke bi rûmet û hat gotin, "Rêya herî rast a dawîanîna li êşan, bêmirinkirina şehîdên me ye. Wateya vê jî, ji bo bicihanîna armancên wan, hîn bêtir meşandina têkoşînê ye. Bi bilindbûna têkoşînê re şehîdên me jî wê di dilê mezin ê gelê me de bêdawî bijîn" û ji malbata Varli re hat gotin, "Ji ber ku hûn xwedî ewled û xizmeke mîna hevala Bêrîvan a leheng in, hûn çiqasî pê serbilind bin, kêm e."

Di dawiya nameyê de hat gotin, "Weke gelê herî qedîm ê dîrokê, ji ber ku em dixwazin bi zimanê xwe, bi çanda xwe bijîn û çarenûsa xwe bi awayekî azad bi xwe diyar bikin, em bi feraseteke serdest a dixwaze hebûn û rûmeta me ji holê rake re rû bi rû ne. Divê her kes pê bawer be, ku li hemberî dijminekî bi vî rengî yê her gavên me yên aştiyane weke qelsiyê dibîne, ji bo şikandina destê me yê aştiyê êrîşên xwe zêde dike û dixwaze gelê me di pêşerojeke bêrûmet de mehkûm bike, em ê di xeta şehîdên xwe de heta ferdê xwe yê dawî têbikoş in."