Li navçeya Şirnex Hezexê 'qedexeya derketina derve' di nava rojê de hat rakirin. Bi vê yekê re mirovên ji neçarî ji navçeyê derketibûn vegeriyan.

Li ser rêyên ji aliyê Cizîr, Mîdyat û Rêya Îpekê, ji ber vegerê rêzên dirêj ên ji wesayîtên mirovan çêbûn. Li pêşiya navçeyê, hêzên dewleta Tirk bendên kontrolê danîne, zextê li gel dikin, mirovên vedigerin qeyd dikin û li wan digerin.

Welatî dema dikevin nava navçeyê jî yekser li maşînên zirxî yên ala Tirk pê ve ye û avahiyên hatine hilweşandin rast tên. Li derdora avahiya Şaredariya Hezexê, avahiyeke ji sê qatan a binê wê dikan û ser wê jî cihê rêxistina DBP'ê bû, bi temamî hat xerakirin û xirbeyê wê tê rakirin.

Çend wêne ji berhemên hovîtiya dewleta Tirk a li Hezexê...