Midûrê Emniyeta Amedê Halîs Bogurcu, yekem car têkildarî êrîşa kontra ya Amedê de axivî û îdîa kir ku teqez qelsiyek ne mijara gotinê ye.

Midûrê Emniyeta Amedê yekem car têkildarî êrîşa koma kontra ya çekdar a li Amedê pêk hat û 3 HDP’î hatin qetilkirin, 2 jê giran 8 kes birîndar bûn û gelek karkerî hatin gulebaran kirin de, axivî. Midûr Halîs Bogurcu têkildarî êrîşên ku duh di saetên sibê de li her derê bajar li ber çavên polîsan pêk hat de axivî û got: “Ez wisa difikirim ku ti qelsiya me çênebûye. Mijar tên nirxandin û tiştên pêwîst tên kirin. Di vir de tê xwestin ku polîs çekê bikar bîne û dewlet bikêşe nava pevçûnê.”

Tevî ku bîlançoya komên kontra evqas giran e jî, Bogurce îdîa kir ku qelsiyek ne mijara gotinê ye. Bogurce her wiha red kir ku roja êrîş pêk hatine Wezîrê Karên Hundir ê berê Efkan Ala ne li Amedê bû.