HPG'ê da xuyakirin, ku artêşa Tirk bi rêya pêgerên bê mirov ên hewayî li Herêmên Parastinê yên Medyayê keşif kiriye.

Navenda Ragihandin û Çapemeniyê ya HPG'ê der barê hewldanên keşfê û bombebarana artêşa Tirk de daxuyaniyeke nivîskî weşand. Di daxuyaniyê de hat gotin, "Di 4'ê Adarê saet di navbera 06:30 - 08:30 de li herêma Gareyê, saet di navbera 11:00 - 13:00 û 19:30 - 22:00 de li herêma Zapê, di 5'ê Adarê saet di navbera 02:00 - 05:00 de li herêma Metînayê, pêgerên bê mirov ên hewayî yên artêşa TC a dagirker, keşif kirine.

Di 4'ê Adarê saet di navbera 21:30 - 22:00 de ji Qereqola Serbesta a li navçeya Şirnex Qilabanê, ku di bin kontrola artêşa TC a dagirker de ye, bi hawanan qada Tepê Kuro Şîno hatiye bombekirin."