Ji bo tevlî pîrozbahiyên 4'ê Nîsanê rojbûna Rêberê Gelê Kurd Abdullah Ocalan ên li Amarayê bibin, bi hezaran kesên li ber Meclîsên Taxê, Rêxistinên Navçeyan û avahiya DBP'ê ya Bajarê Wanê li hev kom bûn, bi otobus û wesayîtên taybet ketin ser rêya Amarayê.

Mîna ji her devera Kurdistan û Tirkiyeyê, ji Wanê jî bi hezaran kes ji bo beşdarî pîrozbahiyên rojbûna Rêberê Gelê Kurd Abdullah Ocalan bibin, ketin ser rêya Amarayê. Bi hezaran kesên danê sibehê li ber avahiyên DBP-HDP ên bajar û navçeyan û Meclîsên Taxê kom bûn pankarta bi nivîsa "Rojbûna te pîroz be ey Serok" vekirin û dirûşmên "Bijî Serok Apo" qîriyan. Girseya gel govend gerand û dûre bi bi dehan otobus û bi sedan wesayîtên taybet, ketin ser rêya Rihayê.