Hat ragihandin, komên çete yên girêdayî qaşo Koalisyona Sûriyeyê ku ENKS’ê jî di nav de ye, derdora saet di 09.55’an de ji aliyê Şêx Îsa ve êrîşî çeperên YPG’ê û Ceyîş El-Siwar ên li bajarokê Til Rifat û çepera Birad a li nêzî gundê Eyîn Deqne kirin.

Li ser êrîşa çeteyan şervanên YPG/YPJ’ê û Ceyîş El-Siwar bersiv dan û şerên dijwar derketin. Ji ber ku şer heta vê kêliyê jî didomin, der barê encaman agahiyên zelal nehatin hînbûn.

Ji komên ku êrîş noqteyên YPG’ê û Ceyîş El-Siwar dikin ev in’Feylq El-Şam, Ehfad Selaheddîn, Sultan Murad, Ehrar El-Şam û Ceyîş El-Sunne ne.

Komên çete duh jî ji aliyê Ezazê ve noqteyên YPG/YPJ’ê û Ceyîş El-Siwar ên li herêma Vîlata Qazî ya ku 3.5 li başûrê Ezazê û rojhilatê Efrînê dikeve, kirin. Çeteya bi çekên giran ên weke  topên hawan û dojehê êrîş kirin.

Ceyîş El-Siwar jî duh li ser malpera xwe ya fermî ragihand ku çeteyên bi navê ‘Feyleq El-Şam, Ehfad Selaheddîn, Sultan Murad, Ehrar El-Şam û Ceyîş El-Sune’ saet di 17.00’an de bi çekên giran, êrîşî noqteyên wan ên li Til Rifat, Merenaz û Eyîn Deqne kirine. Şervanên wan jî bersiv dane van êrîşan.