Li herêma Til Birakê di encama pevçûneke vê sibehê de, serçeteyekî bi navê Saddam Ehmed Salih hat kuştin.

Li gorî nûçeya ANHA, Cîgirê Serokê Desteya Tenduristiyê yê Kantona Cizîrê Silêman Ehmed da xuyakirin hêzên YPG’ê ku li herêma Til Birak operasyonên xwe yên lêgerîn û paqijkirinê didomînin, îro serê sibehê di encama pevçûnekê de serçeteyekî DAIŞ'ê yê bi navê Saddam Ehmed Salih kuştin.

Silêman Ehmed ku ji bo kontrolkirina xebatên tenduristiyê çû herêmê ragihand, ku di çalakiya YPG’ê de birayê serçete Saddam Ehmed ê bi navê Nessar Ehmed Salih jî bi giranî birîndar bûye.