HPG’ê ragihand ku hêzên artêşa Tirk ên li Sêrtê derketine operasyonê li hember gerîlayan kemîn danîne û gerîlayan bersiv daye gulebarana leşkeran. Piştî pevçûneke demkurt a li vir, hêzên gerîla bi berpirsyarî rabûne û xwe ji herêmê vekişandine.

Navenda Ragihandin û Çapemeniyê ya HPG’ê da xuyakirin ku artêşa Tirk li hember herêmên gerîlayan bombardûman, tevgera hewayî, kemîn, operasyon, hewldanên provokasyonan û xebatên kontra didomîne.

HPG’ê têkildarî tevgera leşkerî ev agahî da:

13’ê Hezîranê saet di navbera 08:00 - 09:00’an de Qereqola Oremar li hember qada gundê Satê ya li ser xeta herêma Zagros a yek ji Herêmên me yên Parastinê yên Medya bi obus û hewanan bombardûmanek pêk aniye. Dîsa heman rojê saet di navbera 07:00 - 09:00’an de li ser qada Çarçella pêgerên hewayî yên bê mirov ên artêşa T.C a dagirker keşf pêk anîne.

13’ê Hezîranê saet di navbera  17:00 - 18:00’an de Qereqola Oremar a girêdayî navçeya Gever a Colemêrgê li hember qadên Şehîd Bager û Şehîd Rahîme yên li ser xeta herêma Avaşîn a yek ji herêmên me yên Parastinê yên Medya ye bi obus û hewanan bombardûmanek pêk aniye. Li hember van êrîşên artêşa Tirk hêzên me yên gerîla di heman kêliyê de bi armanca hişyariyê gule berdane. Tevgera pêş ketiye di navbera saet 19.30-21.00 bi tevlîbûna pêgerên hewayî yên bê mirov li hember qadên Şehîd Zerdeşt, Şehîd Bager û Şehîd Rahîme bombardûman dewam kiriye.

13’ê Hezîranê saet di navbera 19:00 - 00:00 de li herêma Metîna, saet di navbera 20.30 - 22:00 li herêma Garê, saet di navbera  06:00 - 16:00 li herêma Zapê, saet di navbera 22:00 - 00:00 de qada Çiyayê Reş a herêma Zapê pêgerên hewayî yên artêşa Tirk keşf pêk anîne.

LI SÊRTÊ OPERASYON Û HEWLDANA PROVOKASYONÊ

Di 13'ê Hezîranê saet di 09:00 de, artêşa T.C a dagirker li herêma di navbera qereqolên Tirya û Xargul ên navçeya Sêrt Dihê derket operasyonê. Li herêma operasyonê, li pêşiya hêzên me yên gerîla kemîn hatiye danîn. Hêzên me yên gerîla yên bi kemînê hesiyane, di cih de bersiv dane. Piştî pevçûneke demkurt a li vir, hêzên me bi berpirsyarî rabûne û xwe ji herêmê vekişandine.

LI PÎRANÊ TEVGERA KONTRA

Di 13'ê Hezîranê saet di 12:30 de, tîmeke kontra ya ji 4 kesan li gundê Goma Esma yê di navbera gundên Heredax û Beyaz Çeşme yên navçeya Amed Pîranê de bi kincê mele geriyaye û li ser navê gerîlayên me ji gundiyan erzaq xwestiye. Vê koma kontra di heman demê de heqaret li gundiyan kiriye û gef li wan xwariye. Koma kontra her wiha bi kamerayê dîmenê derdora gund û gundiyan kişandiye."