Li bajarê Elmanya Salzgitterê, xebatên ji bo hilbijartinên parlamenteriyê yên sala 2015'an destpê kirin.

Kurdistaniyên li bajarê Elmanya Salzgitterê dijîn, li Navenda Civaka Demokratîk a Peine, li ser xebatên ji bo hilbijartinên 7'ê Hezîranê yên li Tirkiye û Bakurê Kurdistanê, civînek lidar xistin.

Di vê çarçoveyê de wê xebatên hilbijartinê bi 5 komîsyonên Navenda Salzgitter, Hildesheim, Gifhorn, Peine û Branschweigê bên meşandin.

Di nava komîsyonan de nûnerên jin, ciwan, Êzidî û Elewî cih digirin. Ji bo agahdarkirina gel jî navendeke agahdarkirinê hat avakirin. Li vê navendê ê heftê heft rojan, bersiv ji pirsên hilbijêran re were dayîn. Navenda agahdarkirinê wê li lokalên komeleyên Peine û Hildesheimê bi dorvegerî xizmetê bide.

Di civînê de ji rêveberên NAV-DEM'ê Abdullah Efe jî aamde bû. Efe der barê xebatên teknîkî de agahî da û diyar kir ku girîng e rêbaza xebateke kolektîf esas bê girtin.

Efe diyar kir ku di çarçoveya an xebatan de divê hemû kesên alîgirên aştî, azadî û biratiya gelan ên Tirkiyeyî bên ziyaretkirin û got, "Ev derdorên mijara gotinê, çawa ku xwedî li Şengal û Kobanê derketin, wê xwedî li HDP'ê jî derkevin."

Civîn bi dirûşma "Ji bo HDP'ê em nebin ê deng jê tê xwestin, em bibin ê deng dixwaze" bi dawî bû.