Cenazeyê 3 kesên li Nisêbînê jiyana xwe ji dest dan li Nexweşxaneya Dewletê ya Qoserê ji bo teşxîskirinê tên rawestandin. 

Li Nisêbîna Mêrdînê li hemberî êrîşên qirkirinê berxwedana xwerêveberiyê bênavber berdewam dike. Di 18'ê Nîsanê de li ser sînorê Qamişlo 18 ciwanan di êrîşên dewleta Tirk de jiyana xwe ji dest dabûn. Ji wan kesan cenazeyên 10 ciwanan ji aliyê hêzên dewletê ber bi Rihayê û yên 8 ciwanan jî anîbûn Nexweşxaneya Dewletê ya Qoserê. Ji 8 kesên ku jiyana xwe ji dest dabûn û cenazeyên wan anîbûn Mêrdînê, cenazeyê 5 kesan ji aliyê malbatên wan ve hatin teşxîskirin û li deverên cuda ew derfin kirin.

Cenazeyê 3 kesên din ên ku li Nexweşxaneya Dewletê ya Qoserê tên girtin li benda teşxîskirinê ne. Eger teşxîskirin nebe, li gorî zagona rê li ber gelek nîqaşan û nerazîbûnan vekir,  û weke revandina cenazeyan tê binavkirin, cenazeyên 3 kesên jiyana xwe ji dest dane di hundirê 3 rojan de wê  bên definkirin.