Li Qendîlê gel û gerîla yekemîn agirê Newrozê pêxistin. Welatiyên ji çar parçeyên Kurdistan û derveyî welêt hatin û gerîlayan vê êvarê li gelek deverên Qendîlê agir pêxistin û dest bi pîrozkirina Newrozê kirin.
Ji Bukroskan heta Bolê, ji Zergelê heta Balayan ji Enze heta Kortekê tevî barana zêde jî li gelek nuqteyan bi coşeke mezin govend hat gerandin û fîşekên hewayî hatin teqandin.
Di pîrozbahiyan de dirûşmên, “Bijî Serok Apo”, “Bijî Yekîtiya Gelê Kurd”, “Bijî HPG”, “Bijî YPG”, “Bijî Berxwedana Rojava”, “Bijî Berxwedana Kerkuk û Şengal” hatin gotin. Ne tenê ji gelê Kurd ji gelê Tirk û Ereb jî gelek welatî tevlî pîrozbahiyan bûne. Pîrozbahî ku hê jî didomin, gel bi coşeke mezin li benda pîrozbahiya sibê ye.
