Personelê paqijiyê yê Şaredariya Nisêbînê Mehmet Pîtek (40) ê li taxeke Nisêbînê ya şer lê nîne dima, dema li ber deriyê mala xwe rûniştî bû bi guleyên ji maşîna zirxî hatin reşandin, hat qetilkirin.
Li navçeya Mêrdîn Nisêbînê, terora dewleta Tirk di roja 21. de ye. Hêzên dewleta Tirk ên nikarin bikevin nava taxan, êrîşî sivîlan dikin. Personelê paqijiyê yê Şaredariya Nisêbînê bavê 4 zarokan Mehmet Pîtek ê 40 salî ku li taxa 8 Mart a şer lê nîne dima, ji bo cixarê bikişîne derket ber derî, lê hingî bi guleyên ji maşîna zirxî hatin reşandin, hat qetilkirin.
Cenazeyê Pîtek rakirin morga Nexweşxaneya Dewletê ya Nisêbînê.
