Hêzên rejîma AKP'ê yên hewl dan bikevin taxên li Nisêbînê li bersiva YPS'ê rast hatin. Di encama çalakiya bombeyî ya lihemberî maşîna zirxî de 5 tîmên taybet ên di hundirê maşînê de bi giranî birîndar bûn.
Li navçeya Mêrdîn Nisêbînê ku berxwedana gel her roj mezintir dibe, êrîşên hêzên dewletê jî dewam dikin. Hêzên YPS û YPS Jin bi tundî li hêzên dewletê yên hewl didin bikevin taxan dixin.
Duh bi şev li hemberî maşîneke zirxî ya hewl dida bikeve nava taxa Firatê çalakiyeke bombeyî hat kirin. Di encama teqînê de 5 tîmên taybet ên di hundirê maşînê de bi giranî birîndar bûn û ew rakirin Nexweşxaneya Dewletê ya li Nisêbînê.
