Li bajarê Elmanya Munchenê çalakiya 'bêdengiya we ji ber hevkariya we' hat lidarxistin.

Li ber Konsolosiya Fransayê ya li bajarê Elmanya Munchenê, ji bo şoreşgerên Kurd Sakîne Cansiz, Fîdan Dogan û Leyla Şaylemez ên di 9'ê Çileyê de li Parîsê hatin qetilkirin, çalakiya 'bêdengiya we ji ber hevkariya we ye' hat lidarxistin.

Di çalakiyê de wêneyên Cansiz, Dogan û Şaylemez hatin hilgirtin, belavokên bi zimanê Elmanî hatin xwendin û belavkirin. Di axaftinên li çalakiya ku YXK Munchen û Kurdistanî lê amade bûn de, hat destnîşankirin ku bêdengiya Fransayê tê wateya hevkariya wê. Axaftvanan diyar kirin ku ev yek nayê fêmkirin û komkujî careke din protesto kirin.