Yekîneyên Midûriyeta Polîsan a Mêrsînê serê sibê bi ser saziyên Goç-Der, nunertiya rojnameya Azadiya Welat û gelek malan de girtin. Polîsan di serdegirtina malan de li gel Nûçegîhana DÎHA’yê Zeynep Kuriş û endamê Meclisa BDP'ê Ramazan Yildiz, herî kêm 20 kes binçav kirin.

Yekîneyên Midûriyeta Polîsan a Mêrsînê serê sibe di bin navê operasyona KCK'ê li hemberî siyaseta Kurdan tê meşandin de bi ser saziyên Goç-Der, nunertiya rojnameya Azadiya Welat û gelek malan de girtin. Polîsan di serdegirtina malan de Nûçegîhana DÎHA’yê Zeynep Kuriş û endamê Meclîsa BDP'ê Ramazan Yildiz, Hunermend Kadîr Çat, endamên rêveberên BDP'ê, Nûneren saziyên sivîl û endamên Meclisa Şaredariyê jî di navde herî kêm 20 kes binçav kirin.

Kesên di operasyonê de hatin binçavkirin û navên wan diyar bûne wiha ne: "Endamê Meclîsa BDP'ê Ramazan Yildiz, Nûçegihana DÎHA ya Mersinê Zeynep Kuriş, Xebatkarê Rojnameya Azadiya Welat yê Mêrsînê Ergin Çaglar, Wekîlê Hevserokê BDP'ya Mêrsîne Îrfan Yucel, Endama Meclîsa Şaredariya Akdenizê Terfa Arinç, Seroke Goç-Dera Mêrsîne Selahattin Guvenç, Rêvebera Goç-Der û Navenda Jinan a Îştarê Menice Urun, Hunermendê NÇM'ê Kadir Çat, Rêveberên BDP'ê Abdullah Okur, Îsa Dag, Îsmaîl Andar û Mehice Ozlu, Mele Abdullah Hazar, Mele Ahmet Kutlu, Rêveberê ÎHD'e yê berê Senayi Sayin û Asya.

Kesên hatin binçavkirin birin Midûriyeta Polîsan a Mêrsinê.