Piştî ku 20 cerdevanên gundê Deywanê îstifa kirin, niha jî 12 gundê Xirabeka yê Kerboranê, ji bo îstifakirinê serlêdan kirin. Li gorî agahiyên ji çavkaniyên herêmî hatine wergirtin, Fermandarê Jendermeyan ê Navçeya Kerboranê çûye gund û ji cerdevanan xwestiye tevlî êrîşên qirkirinê yên li Nisêbînê bibin. 12 cerdevanan li hemberî vê daxwaza fermandarê qereqolê, çeka xwe dan qereqola jendermeyan û daxwaznameya îstifaya xwe pêşkêş kirin.

Ji navçeyên Mêrdînê di hefteya derbasbûyî de 66 cerdevanan nexwestibûn li hemberî gelê xwe şer bikin û çek danîbûn.