Li Hewengê servîsa dibistanê qelibî: 30 kes birîndar bûn
Li Hewengê, mînîbusa servîsa dibistanê qelibî. Di qezayê de 29 jê zarok 30 kes birîndar bûn.
Li navçeya Riha Hewengê, danê vê sibehê mînîbusa servîsa dibistanê li nêzî taxa Tulmenê qelibî. Di qezaya ku ji ber teqîna lastîkê mînîbusê rû da de, 29 xwendekar û ajokarê wesayîtê Mûstafa Çîftçî birîndar bûn.
Birîndar bi ambûlansan rakirin Nexweşxaneya Dewletê ya Hewengê. 6 ji birîndaran, ji ber ku şikestina hestî û eciqîna bedena wan, sewqî Rihayê hatin kirin.
