Li gundên berxwedanê yên Pirsûsê, ku wê di 17'ê Adarê de mezintirîn pîrozbahiya Newrozê ya herêmê lê bê lidarxistin, di roja 177. a berxwedanê de şervanên YPG/YPJ'ê hatin silavkirin.

Li ser sînorê Kobanê ya azad, wê starta pîrozbahiyên îsal ên Newrozê bê dayîn. Amadekariyên ji bo mezintirîn pîrozbahiya li vê herêmê dewam dikin. Li gundên Miseynter û Elîzerê, di roja 177. a berxwedana Kobanê de, nobedaran berxwedêr silav kirin. Çalakgeran berê xwe dan Kobanê, bi destê hev girtin û piştî deqeyeke rêzgirtinê bi qîrîna dirûşmên ji bo YPG û YPJ'ê, berxwedêr silav kirin.