Li navçeya Colemêrg Geverê, berxwedana xwerêveberiyê di roja 29. de ye. Êrîşên li hemberî taxên berxwedanê yên Geverê jî dewam dikin. Li taxên Gungor û Cûmhûriyetê ku heta derengiya şevê bomberdûmanê lê dewam kir, dengê çekan hat bihîstin. Tankên li Tabura Efeler, Fermandariya Alayê ya Navçeyê û li ser rêya Şemzînanê bi cih bûne, danê sibehê hewl dan bikevin nava taxên berxwedanê. Di encama destwerdana YPS/YPS Jinê de hêzên dewleta Tirk neçar man xwe vekişînin. Piştre hawan, obus û top avêtin taxan.

Li taxên orman, Mezarlik, Eskî Kişla, Yeşîldere û Dîze jî, ku ji aliyê maşînên zirxî ve hatine dorpêçkirin, hêzên dewleta Tirk deriyan dişikînin û agir ber didin malan.