Li Arnhemê, bi wesîleya Hefteya Qehremaniyê çalakiyeke bîranînê hat lidarxistin.

Kurdistaniyên li Navenda Civaka Demokratîk a Arnhemê hatin cem hev, bi wesîleya Hefteya Qehremaniyê çalakiyek lidar xistin û cangoriyên têkoşîna azadiyê bibîr anîn.

Di bîranînê de, sînevîzyonek li ser jiyana kadroyên pêşeng ên PKK'ê Mazlûm Dogan û Mahsûm Korkmaz (Egîd) hat nîşandan.

Dûre li ser navê Komîsyona Malbatên Şehîdan Mehmet Zengîn û siyasetmedar Sîdar Serhat axivîn.

Di axaftinan de hat gotin, "Dilsoziya bi têkoşînê re, dilsoziya bi şehîdan û armancên wan re ye. Di her şert û mercî de ya divê were kirin xwedîderketina li şehîdan û tacîdarkirina têkoşîna wan bi serketinê re ye."

Di çalakiya bîranînê de malbatên gerîlayên jiyana xwe ji dest dane mafê axaftinê wergirtin û banga xwedîderketina li nirxan kirin.

Piştî axaftinan, ji bo cangoriyên têkoşîna azadiyê xwarin hat belavkirin.