Polîsên Tirk duh bi şev avêtin ser avahiya Kongreya Jinên Azad (KJA) ya li Amedê û dest danîn ser kamerayên li avahiyê. Danê sibehê jî, tevî Buroya Rêveberiyên Herêmî ya Partiya Herêman a Demokratîk (DBP) avêtin ser gelek malan.

Di serdegirtinan de gelek kes hatin binçavkirin. Çend ji kesên hatine binçavkirin ev in:

Hevseroka Yekîtiya Rêveberiyên Herêmî ya Demokratîk Çîmen Işik, xebatkarên Navenda Giştî ya DBP'ê Yûsûf Koyûncû, Pero Dundar û Tûran Genç.

Piraniya kesên hatine binçavkirin, di sala 2009'an de jî di operasyonên bi navê "KCK" hatin lidarxistin de hatibûn girtin.