Li Amedê piştî ku komên kontra yên bi çek, provokasyon pêk anîn, polîsan bi ser gelek malan de girt, di encama serdegirtina malan de 19 kes hatin binçavkirin, ji 19 kesan 5 kes serbest hatin berdan û 6 kes jî hatin girtin. Her wiha 8 kesên ku di nav wan de endamê Desteya Rêveberiya Cemiyeta Rojnamegerên Azad Ozan Kiliç jî heye bi daxwaza girtinê sewqî dadgeha nobedar hatin kirin.

Li Navçeya Yenîşehîr a Amedê piştî ku komên kontra yên bi çek provokasyonan pêk anîn, polîsan bi ser gelek malan de girt. Di serdegirtina malan de 19 kes hatibûn binçavkirin. Piştî ku 3 rojan di bin çavan de man, îro sewqî Edliyeya Amedê hatin kirin. Ji 19 kesên ku hatin binçavkirin li dozgeriyê 8 kes karên wan ên edliyeyê bi dawî bûn, welatiyê bi navê Hêvîdar Dîken jî ji aliyê dozgeriyê ve serbest hat berdan. 7 kesên ku bi daxwaza girtinê sewqî dadgehê hatibûn kirin, Diyadîn Gumuş, Serkan Dîken, Bîlal Fîlîz Mehmet Fîdan, Îshak Akkuş û Merge Polat bi îdîaya  "endamê rêxistinê ne" hatin girtin û Ozan Turkkekul jî serbest hat berdan.

Her wiha endamê Desteya Rêveberiya Cemiyeta Rojnamegerên Azad Ozan Kiliç, Suleyman Aktîz, Yusuf Akgun, Şaban Kestanli Bulent ASlan, Mehmet Tekîn, Abdulhaluk Baltaş û Adnan Bayram jî bi îdîaya "endamên rêxistinê ne" bi daxwaza girtinê sewqî dadgeha nobedar hatin kirin.