Leşkerên Tirk welatiyên Rojava yên ji Dirbêsiyê û Serêkaniyê bi armanca protestokirina tecrîda li ser Rêberê Gelê Kurd Abdullah Ocalan diçûn bajarê Amûdê dan ber guleyan. Di encama êrîşê de zarokek birîndar bû.
Leşkerên Tirk ên li ser sînorê Rojava, karwanê wesayîtan ên welatiyên ji Serêkaniyê û Dirbêsiyê ku bi armanca çalakiya li Amûdê derketin rê, gulebaran kirin. Di encamê de zarokek birîndar bû.
Li gor nûçeya ANHA’yê, dema karwan dimeşiya, leşkerên Tirk gule reşandin û di encamê de zarokek ji milê xwe ve birîndar bû. Zarokê birîndar rakirin nexweşxaneya Dirbêsiyê. Karwanê welatiyan rêya xwe ber bi Amûdê ve domand û bi biryar in ku meşa xwe ya li dijî tecrîda li ser Rêberê Gelê Kurd Abdullah Ocalan li dar bixin.
