Bi armanca protestokirina komkujiya DAIŞ'ê ya li Kobanê, ku ji ber wê bi sedan kesan jiyana xwe ji dest dan û birîndar bûn, wê roja Şemiyê li paytexta Swêd Stockholmê xwepêşandanek protestoyî bê lidarxistin.
Bi armanca protestokirina komkujiya DAIŞ'ê ya li Kobanê, ku ji ber wê bi sedan kesan jiyana xwe ji dest dan û birîndar bûn, wê roja Şemiyê li paytexta Swêd Stockholmê xwepêşandanek protestoyî bê lidarxistin.
Li ser banga Navenda Civaka Demokratîk a Kurd li Stockholmê, Meclîsa Jinên Kurd a Amara, Nûnertiya PYD'ê ya Swêdê û rêxistinên civakî yên Kurd, çalakî wê saet di 15:00 de li Meydana Sergelê destpê bike û tevî rêxistinên civakî yên sivîl wê parlamenterên Swêdî jî lê biaxivin.
Meclîsa Jinên Kurd a Amara der barê komkujiyê de daxuyaniyek da û çeteyên DAIŞ'ê û hêzên li pişt van çeteyan, şermezar kir. Di daxuyaniyê de bal hat kişandin têkiliyeke nêzî hev a çeteyên DAIŞ'ê û hikûmeta AKP'ê û hat destnîşankirin ku çeteyên DAIŞ'ê di ser sînorê Tirkiyeyê re derbas bûne û komkujî kirine.
Bang li Kurdistanî, dostên wan û hemû parêzvanên mafên mirovan hat kirin ku çeteyên DAIŞ'ê û dewleta Tirk a destekê dide van çeteyan, protesto bikin.
