Komîsyona Hilbijartinê ya HDP'ê ya Hollandayê, di 23'ê Sibatê de civînek lidar xist. Di civînê de xebatên komîsyonên hilbijartinê yên li bajarên Hollanda Amsterdam, Zaandam, Den Haag, Rotterdam, Middelbrug, Eindhoven, Arnhem û Utrechtê hatin nirxandin, kêmasî û pêwîstî hatin nîqaşkirin.

Di civînê de biryar hat dayîn, ku heta 14'ê Adara 2015'an qeydên hilbijêran bên kontolkirin, yên qeyda xwe nînin werin qeydkirin. Bi vê armancê biryar hat dayîn ku ji bo hilbijêr biçin Konsolosan û qeyda xwe çêbikin, alîkarî were dayîn.